परेलीमा गाँजल लाउँदा साह्रै राम्री देखेँ
तिमीलाई नै हेरि-हेरि प्रीति गीत लेखेँ ।
रसिलो त्यो अधर तिम्रो चुमुचुमु लाग्यो
भमराझैँ वरिपरी घुमुघुमु लाग्यो
सपनीमा आज तिमीलाई अप्सराझैँ देखेँ
तिमीलाई सम्झी-सम्झी प्रीति गीत लेखेँ ।
वोलाए झैँ लाग्यो मलाई तिमी नबोले नि
हँसिलो त्यो मुहार तिम्रो ओठै लखोले नि
पहिलोपल्ट तिमी जस्तो सुन्दर मान्छे देखेँ
तिमीलाई नै हेरि-हेरि प्रीति गीत लेखेँ ।
No comments:
Post a Comment