Tuesday, November 13, 2012

गीत

हाँसेकै छु मनमा पीडा आँखामा आँसु रोकेर
खुशी छौ तिमी भनेर नसोध मुटुमा झिर रोपेर ।

सपनाको महल भत्कियो बालुवाको घर जसरी
आँखामा आँसु,मनमा पीडा उर्लेर आउँछ उसैगरी
छेकिन्न रहेछ पीडाको आँसु हातले छेकेर
खुशी छौ तिमी भनेर नसोध मुटुमा झिर रोपेर ।


शिशा झैँ टुट्यो सम्बन्ध कसलाई दोष दिउँ म
जिउँदो लाश भएर अब कसरी जिउँ म
लेखेकै चाहिने रहेछ क्यारे हुन्न रहेछ देखेर
नसोध अब खुशी छौ भनि मुटुमा झिर रोपेर ।

No comments:

Post a Comment