मलाई भुलि गुनको मात्र कुरा गर्छौ किन ?
वाँसुरीलाई बिर्सिएर धुनको कुरा गर्छौ किन ?
मन आज भागिहिड्छ आफैँलाई बिर्सिएर
छायाँ किन तर्किदिन्छ आफैँसँग तर्सिएर
माया भन्दा सुनको गुनगान गाउँछौ किन ?
वाँसुरीलाई बिर्सिएर धुनको कुरा गर्छौ किन?
सपनाहरु झरिगए ओइलाएको फूलसँगै
फुल्ने रहर मेरो पनि पूर्णिमाको जूनजस्तै
बास्ना छाडि फूलको मात्र बयान गर्छौ किन ?
वाँसुरीलाई बिर्सिएर धुनको कुरा गर्छौ किन ?
No comments:
Post a Comment